Ouéziaos, p’tites bétes bronouzes, insettes, arbrs e pllantes… I n-n’a-ti don un patrimouene natura escarabl long les chaniaos de Bertègn ! Su l’iao ou ben long les vaes de halaijes, v’aréz ben des arivâs de vaer des animaos e des pllantes de toutes les orines.
Chaniaos de Bertègn
Fezéz eune bone muzée su les chaniaos !
Traçant la Bertègn olmont e olva, alant teurti-teurtant d’eune mè a l’aotr, les chaniaos font vaer ao monde des payizaijes d’eune sorte e de l’aotr. A cheminer long les bernes, ét eune aotr Bertègn, ben meins qenûsse, qe nen decouvre. Pour c’qe n-i a des bétes e des pllantes, ‘la peupeule hardi entour les chaniaos-la e le monde ont ao cai se defuter o des alivetées de toutes les menieres : su l’iao ou ben su les benes. Encherjée des vaes navigantes depés pus de 10 ans, la Rejion Bertègn enqhuze des services de calitë long les vaes-la a sour fin qe les vizitous araent du pllezi tant qe pus.
Les chaniaos aoterment
Pourmenée, canoë, eqhitâçion, veloce…. en pus du naviaije, les chaniaos de Bertègn sont des enrets aféçonës pour fere ben de cai d’aotr. En pus de se defuter, le monde peuvent decouvri etout, long les chaniaos-la, q’i n-n’a des payizaijes de toutes les menieres en Bertègn.
Biogârerie : ‘la peupeule !
